SYI’IR ROJAB BY PPRH

SYI’IR ROJAB

Poro muslimin podo bungah
Matur syukur ing gusti Allah
Sasi rejeb tanggal 27
Allah animbali kanjeng rasul

Nabi Muhammad kedawuhan
Amriksani isene alam
Tindak,e seko negoro mekah
Tekan masjid aqso palestina

Seko mesjid munggah ing langit
Amriksani isen isene
Lan ketemu poro nabi nabi
Podo salaman puji pinuji

Amriksani kesugihane
Kekuasaan lan kemurahane
Gusti Allah ingkang moho luhur
Kang den presakke kanjeng rosul

Ono ing ngersane pengeran
Keparingan seh lan kewajiban
Nindake sholat seket wektu
Kanggo dalane nyuwun pangestu

Panyuwune Nabi Muhamad
Keparingan dening pangeran
Sholat seng seket dadi peng limo
Kang agawe entenge menungso

Sholat iku agawe mulyo
Laku gampang ora ngrekoso
Tur biso ngilangi laku nisto
Crobo lan kemproh dadi leloro

Dawuh Nabi wajib den turut
Nyembah Allah kelawan sujud
Lan nindakke laku kang becik
Angedohi laku olo musyrik